Hutkkatgo don láibbi, mii dahká buori eatnamii, merrii ja midjiide?

Maaleipä-hástalus

Maa suomagillii = eanan, riika
Leipä suomagillii = láibi

Mii ohcat láibbi ráhkadanneavvagiid, mat buoridit eatnama boahtteáiggi!

Maaleipä-hástalus bovde buot báhkáriid, skuvllaid, láibbohagaid ja restoráŋŋaid hutkat láibbi ráhkadanneavvagiid, mat ovttastahttet eatnama, meara ja čoavjji, olbmo ja dálkkádaga buresveadjima. Buoremus ráhkadanneavvagat bálkkašuvvojit Maaleipä-hástalusa finálas 21.9.2024 Helssegis Kellohallis.

Manin? Eanavuođu ja min olbmuid dearvvašvuohta gullet oktii. Ovttabealat šaddadeapmi geafuda eatnama ja nuoskkida čázádagaid, ja ovttabealat biebmu vaháguhttá min čoliid. Lihkus mii sáhttit maiddái álggahit nuppástusa! Go mii láibut láibbi biepmusrikkisin šaddaduvvon ráhkadanávdnasiin, mat maiddái dikšot eanavuođu, de mii buoridit sihke eatnama ja olbmuid dearvvašvuođa.

Mo? Coggal gieđaid dáigái, divtte iežat hutkáivuođa geavvat ja almmut iežat Maaleipä -ráhkadanneavvagilvui maŋimustá 1.9.2024.

Maaleipä Challenge is over. Welcome to celebrate the breads for soil, sea and us at Maaleipä Feast on 21 September 2024 from 14:00 to 18:00 at Kellohalli Teurastamo in Helsinki (Työpajankatu 2). Read more!

Iskka duostilit rikkis ráhkadanávdnasiid.

Geavat millosepmosit máŋggabealat, biepmusrikkis ráhkadanávdnasiid: árbe- ja dološgortniid (omd. rohka, speltanisu, emmernisu, gordnečalbmenisu, hávvar, bivgi), šaddoproteiinnaid, siepmaniid, nihtiid, luonddušattuid ja luondduviđá urttaid. Gávnnat listtu ávžžuhuvvon ráhkadanávdnasiin dáppe, muhto geavat maid iežat hutkáivuođa. Mađi riggásut ráhkadanávdnasat, dađi buoret eatnamii, merrii ja midjiide.

Vállje buriid jáfuid sehkkii!

Geavat millosepmosit ekologalaččat ja báikkálaččat šaddaduvvon ávdnasiid. Vikka gávdnat ráhkadanávdnasiid, mat leat buvttaduvvon dakkár šaddadanteknihkaiguin, ahte dat dikšot seammás eanavuođu. Dákkár lea ovdamearkka dihte ođasmahtti šaddadeapmi. Gávnnat listtu ávžžuhuvvon ráhkadanávdnasiin dáppe, muhto čielggat maiddái fálaldaga iežat lagašbirrasis. Mađi buoret šaddadeapmi birrasa dáfus, dađi buoret eatnamii, merrii ja midjiide.

Hukse máŋggabealat láibekultuvrra.

Mii sávvat gilvui iešguđegelágan ja iešguđet hápmásaš láibbiid, mat ovdanbuktet min riikka láibeláibuid ja láibekultuvrra máŋggabealatvuođa. Ráhkat láibeklassihkkáriid ođđasit, viečča inspirašuvnna iešguđege kultuvrrain dahje hutkka juoga aivve ođđa! Mađi hutkát láibun, dađi buoret eatnamii, merrii ja midjiide.